Samstarfsfundur Nordisk Besöksnäring

Framkvæmdastjórar norrænna samtaka fyrirtækja í gisti- og veitingarekstri hittast reglulega yfir árið, en samtökin fimm eru Visita í Svíþjóð, Horesta í Danmörku, NHO Reiseliv í Noregi, MaRa í Finnlandi og SAF á Íslandi.

Í samstarfinu er m.a. skipst á upplýsingum um þróun í  kjaramálum, lagasetningu og stjórnmálum á Norðurlöndum og bornar saman bækur um hvers konar málefni á vettvangi landanna fimm sem haft geta áhrif á rekstrarumhverfi ferðaþjónustufyrirtækja. Samtökin vinna einnig þétt saman á vettvangi Hotrec og halda sameiginlega utan um samanburðartölfræði um þróun gisti- og veitingarekstrar á Norðurlöndum.

Að þessu sinni fer fundurinn fram í Ruka í Finnlandi.