Um SAF

Starfsemi SAF byggir á lögum samtakanna sem samþykkt eru á aðalfundi. Stjórn samtakanna skipa formaður og sex meðstjórnendur og skrifstofa samtakanna er staðsett í Húsi atvinnulífsins í Borgartúni 35. 

Samtökin skipa fulltrúa í fjölda nefnda, ráða og starfshópa og leggja mikla áherslu á að eiga gott samstarf við fjölbreyttan hóp opinberra- og einkaaðila sem koma að ferðaþjónustu með ýmsum hætti. 

Samtökin eiga einnig í miklum samskiptum við fjölmiðla, miðla gögnum, upplýsingum og fréttum um atvinnugreinina og taka þátt í opinberri umræðu sem málsvari ferðaþjónustufyrirtækja á Íslandi.

Samtökin setja sér heildarstefnu, en einnig starfa þau samkvæmt persónuverndarstefnu, jafnréttisstefnu, samfélagsábyrgðarstefnu og samkeppnisréttarstefnu. Þá setja stjórn og fagnefndir samtakanna sér starfsreglur sem eru yfirfarnar ár hvert.