[:IS]
Aðalfundur Samtaka ferðaþjónustunnar fer fram miðvikudaginn 21. mars á Radisson Blu Hótel Sögu. Á fundinum verður nýr formaður SAF kjörinn ásamt því að kjörið verður í fjögur stjórnarsæti fyrir starfsárin 2018 – 2020.
Hér að neðan má nálgast kynningu á frambjóðendum með því að smella á nöfnin þeirra.
Þrír aðilar eru í kjöri til formanns SAF, en þeir eru eftirtaldir í stafrófsröð:
- Bjarnheiður Hallsdóttir, framkvæmdastjóri Kötlu DMI ehf.
- Margeir Vilhjálmsson, framkvæmdastjóri bílaleigunnar Geysis
- Þórir Garðarsson, stjórnarformaður Gray Line Iceland
- Róbert Guðfinnsson, stjórnarformaður Rauðku ehf. dró framboð sitt til baka.
Átta aðilar eru í kjöri til stjórnar SAF, en þeir eru eftirtaldir í stafrófsröð:
- Björg Dan Róbertsdóttir, framkvæmdastjóri TREX ehf.
- Gunnar Rafn Birgisson, eigandi Atlantik ferðaskrifstofu
- Halldóra Gyða Matthíasdóttir Proppé, rekstrarstjóri sölu- og markaðssviðs Kynnisferða
- Hendrik Berndsen, stjórnarformaður Hertz
- Ívar Ingimarsson, stofnandi og framkvæmdastjóri ferðaþjónustunnar Óseyri
- Jakob Einar Jakobsson, framkvæmdastjóri Jómfrúarinnar
- Ólöf R. Einarsdóttir, eigandi Mountaineers of Iceland
- Sævar Freyr Sigurðsson, stofnandi og eigandi Saga Travel ehf.
Formaður SAF er kjörinn til tveggja ára í senn. Samkvæmt lögum SAF skal stjórnarkjöri þannig háttað að annað hvert ár skal kjósa formann og þrjá meðstjórnendur en hitt árið eru hinir þrír meðstjórnendurnir í kjöri. Þar sem einn af þeim stjórnarmönnum sem hlaut kosningu til tveggja ára á síðasta aðalfundi SAF hefur gefið kost á sér til formennsku í samtökunum verður stjórnarkjöri þannig háttað á aðalfundinum að 3 frambjóðendur verða kjörnir til tveggja ár og 1 frambjóðandi til eins árs.
Rétt er að geta þess að Ingibjörg Ólafsdóttir, hótelstjóri Radisson Blu Hótels Sögu, og Pétur Þ. Óskarsson, framkvæmdastjóri Samskiptasviðs Icelandair Group, sitja nú þegar í stjórn SAF, en þau voru kjörin til tveggja ára á aðalfundi samtakanna árið 2017.
#saf2018[:]
