[:IS]Samtök ferðaþjónustunnar bjóða til SAFx 2019 – fyrirlestraviðburðar um notkun samfélagsmiðla og tæknilausna í stafrænni markaðssetningu föstudaginn 10. maí í Kaldalóni í Hörpu frá kl. 8.30 – 11.00.
Viðburðurinn er haldinn samhliða markaðstorgi IcelandTravelTech sem haldin er í Hörpu sama dag á vegum Íslenska ferðaklasans og Ferðamálastofu.
Á dagskránni eru sex stuttir fyrirlestrar sem koma að efninu frá mismunandi sjónarhornum en með áherslu á hagnýta nálgun á viðfangsefnið.
Aðgangseyrir er kr. 3.900, en miði á IcelandTravelTech gildir einnig á SAFx 2019.
DAGSKRÁ SAFx 2019:
Í sporum ferðamannsins – hvernig leiðbeina má ferðamanninum í gegnum ferðahringrásina og til þín
Helgi Þór Jónsson ráðgjafi og framkvæmdastjóri Sponta
Hvað er í boði í Google svítunni – lásí eða lúxus?
Soffía Þórðardóttir framkvæmdastjóri ferðalausna hjá Origo
Heiðarleiki, hjarta og upplifun – hvernig nær lítið fyrirtæki athygli í stórum stafrænum heimi?
Eva María Þórarinsdóttir Lange, framkvæmdastjóri Pink Iceland
– – Netagerðarhlé – –
Snjallbirtingar fyrir snjalla öld – að nýta gögn, sjálfvirkni, mælingar og tækni til að ná árangri
Hörður Kristófer Bergsson sérfræðingur í starfrænni markaðssetningu hjá Datera snjallbirtingarhúsi
Eitt myndband getur sagt meira en 30 þúsund orð
Ásthildur Gunnarsdóttir, rekstrarstjóri samfélagsmiðladeildar hjá Sahara
Ísland: Stafrænn sandkassi – mótun framtíðarlausna í ferðaþjónustu
Inga Rós Antoníusdóttir, verkefnastjóri á sviði stafrænnar ferðaþjónustu hjá Ferðamálastofu
Munið að taka nafnspjöldin með, því að í hléi og á markaðstorginu er auðvitað rakið tækifæri til að kynnast nýju fólki og koma á áhugaverðum tengslum![:]
