Hinn 16. júní sl. samþykkti Alþingi lög um tímabundnar heimildir til fjárhagslegrar endurskipulagningar.
Lögin fela í sér tímabundið úrræði, svokallað greiðsluskjól. Greiðsluskjólið er hugsað sem úrræði handa fyrirtækjum í sérstakri neyð vegna kórónukreppunnar. Að uppfylltum ákveðnum skilyrðum, sem koma fram í 2. gr. laganna, geta fyrirtækin fengið greiðsluskjól í áföngum í allt að ár.
Fyrirtæki í greiðsluskjóli fá tækifæri til að semja við kröfuhafa með fulltingi sérstaks aðstoðarmanns, lögmanns eða löggilts endurskoðanda sem fyrirtækið tilnefnir sjálft sér til aðstoðar. Beiðni um heimild til fjárhagslegrar endurskipulagningar er beint til hérðasdóms.
Réttaráhrif greiðsluskjóls
Á meðan fyrirtæki eru í greiðsluskjóli er óheimilt að ráðstafa eignum sínum eða réttindum og stofna til skuldbindinga á hendur sér nema með samþykki aðstoðarmanns nema ráðstöfunin verði talin nauðsynlegur þáttur í daglegum rekstri eða endurskipulagningunni og komi þá eðlilegt verð fyrir.
SA aðstoða aðildarfyrirtæki
Samtök atvinnulífsins bjóða aðildarfyrirtækjum SA aðstoð lögmanns til að glöggva sig á úrræðinu og hvaða skref þurfi að stíga út frá hagsmunum fyrirtækja í rekstrarvanda og hagsmunum kröfuhafa. Þessa þjónustu veita SA án endurgjalds.
- Hlekkur: Aðstoð vegna greiðsluskjóls.
- Hlekkur: Heilsufarsmæling á fyrirtækinu þínu.
