Nú er opið fyrir tilnefningar til þess fyrirtækis sem ykkur þykir hafa skarað framúr þegar kemur að ábyrgri hegðun, rekstri og framúrskarandi samfélagsábyrgð í ferðaþjónustu.
Tilnefningarnar geta verið frá aðilanum sjálfum eða öðrum og er hægt að tilnefn fyrirtæki, félagasamtök, stofnanir, einstaklinga eða alla þá sem þykja hafa unnið markvisst að jákvæðri þróun ferðaþjónustu og sjálfbærni, aðilar sem hafa í efni sínu og verki hvatt til ábyrgrar ferðahegðunar, ábyrgra viðskiptahátta og stuðlað að góðri umgengni um íslenska náttúru í sátt við íbúa.
Horft er til eftirfarandi þátta í leitinni að fyrirmyndar fyrirtæki í Ábyrgri ferðaþjónustu:
- Hefur fyrirtækið birt markmið um ábyrgar ferðaþjónustu á vef sínum?
- Getur þú gefið dæmi um markmið fyrirtækisins um að ganga vel um og virða náttúruna?
- Hvernig mælir fyrirtækið öryggi ferðamanna og háttvísi í þeirra garð?
- Getur þú gefið dæmi um markmið fyrirtækisins um réttindi starfsfólks?
- Getur þú gefið dæmi um hvernig fyrirtækið hefur jákvæð áhrif á nærsamfélagið?
Hægt er að tilnefna hér
Ef þú veist um fyrirtæki sem þér þykir hafa skarað framúr þegar kemur að ábyrgri hegðun, rekstri og samfélagsábyrgð í ferðaþjónustu þá hvetjum við þig til að tilnefna viðkomandi fyrirtæki. Athygli er vakin á því að tilnefning er nafnlaus.
Verðlaunahafi verður svo tilkynntur í stafrænum heimi af verndara Ábyrgrar ferðaþjónustu, forseta Íslands þann 11. desember næstkomandi. Nánari upplýsingar um dagskrá koma þegar nær dregur.
SAF – Nefnd um samfélagsábyrgð.
