Menntadagur atvinnulífsins fer fram fimmtudaginn 4. febrúar 2021 undir yfirskriftinni „Færni framtíðar“. Þetta er í áttunda sinn sem Menntadagurinn er haldinn, en að þessu sinni fer dagurinn að öllu leyti fram í Netheimum.
Dagskráin er fjölbreytt og áhugaverð og því vert að taka daginn frá!
Menntadagur atvinnulífsins er samstarfsverkefni Samtaka ferðaþjónustunnar, Samorku, Samtaka fjármálafyrirtækja, Samtaka fyrirtækja í sjávarútvegi, Samtaka iðnaðarins, Samtaka verslunar og þjónustu og Samtaka atvinnulífsins.
- Hlekkur: Skráðu þig hér!
Á menntadaginn fer fjölbreytt og skemmtileg dagskrá fram með rafrænum hætti.
Meðal innslaga í þættinum eru:
- Greiningar- og nýsköpunarhæfni
Finnur Oddsson, forstjóri Haga
- Virkni í námi og námsaðgerðum
Ingvi Hrannar, kennari og frumkvöðull
- Lausnamiðuð nálgun
Birna Einarsdóttir, bankastjóri Íslandsbanka
- Gagnrýnin hugsun og greining
Kristín Friðgeirsdóttir, alþjóðlegur stjórnendaráðgjafi
- Sköpun, frumleiki og frumkvæði
Dóra Jóhannsdóttir, leikkona
- Forysta og félagsleg áhrif
Tryggvi Þorgeirsson, meðstofnandi og framkvæmdastjóri Sidekick Health
- Tækninotkun, eftirlit og stjórn
Anna Kristín Pálsdóttir, Marel – framkvæmdastjóri nýsköpunar og þróunar
- Tæknihönnun og forritun
Ægir Már Þórisson Advania, forstjóri Advania
- Seigla, streituþol og sveigjanleiki
Víðir Reynisson, yfirlögregluþjónn hjá almannavarnadeild ríkislögreglustjóra
- Rökhugsun, lausn vandamála og hugmyndafræði
Stefanía G. Halldórsdóttir, framkvæmdastjóri Eyrir Vöxtur hjá Eyri Venture Management
Menntatorg atvinnulífsins verður á sínum stað undir stjórn Söru Daggar Svanhildardóttur, verkefnastjóra mennta- og fræðslumála SVÞ og líflegar umræður um menntamál Íslendinga í víðu samhengi setja svip sinn á þáttinn.
Halldór Benjamín Þorbergsson, framkvæmdastjóri SA stýrir þættinum.
Það verður forvitnilegt að sjá hvaða fyrirtæki bætast í hóp þeirra fyrirtækja sem hafa hlotið menntaverðlaun atvinnulífsins til þessa. Orkuveita Reykjavíkur var menntafyrirtæki ársins 2020 og Samkaup menntasproti ársins 2020.
