Jakob Einar Jakobsson, eigandi og framkvæmdastjóri Jómfrúarinnar.
Jakob er framkvæmdastjóri og eigandi Jómfrúarinnar, þess rótgróna veitingastaðar í miðborg Reykjavíkur.
Jakob er fæddur árið 1983 og hefur verið viðloðandi veitingarekstur frá árinu 2003, aðallega á Jómfrúnni, en hann hefur líka komið að rekstri annarra staða hvort sem er í hlutverki meðeiganda, framkvæmdastjóra eða ráðgjafa. Í þessu samhengi ber hæst að nefna opnun veitingastaðar í Hörpu í Reykjavík árið 2011 þar sem hann var eigandi og framkvæmdastjóri þar til reksturinn var seldur þremur árum síðar. Jakob hefur setið í stjórn SAF síðan árið 2018.
Jakob lauk BS gráðu í rekstri og stjórnun frá Osló árið 2008 og MBA gráðu frá Háskólanum í Reykjavík árið 2015.
Meðfram námi í Osló (2005-2008) starfaði Jakob m.a. við fararstjórn og stjórnarsetu í nefndum á vegum Skíðasambands Íslands, hjá X event viðburðafyrirtæki, hjá Glitni banka í viðburðadeild og við lýsingar skíðamóta og skrif hjá RÚV sjónvarp.
