Nýtt raunfærnimat fyrir leiðsögufólk er nú komið í boði á Íslandi. Með raunfærnimatinu gefst starfandi leiðsögumönnum tækifæri til að fá færni sína og reynslu metna formlega, án þess að hafa endilega lokið hefðbundnu námi á sviðinu.
Raunfærnimatið byggir á því að viðurkenna þá þekkingu og hæfni sem einstaklingar hafa aflað sér í starfi, og getur það verið mikilvægt skref í átt að frekari starfsþróun, námi eða auknum faglegum viðurkenningum.
Allar helstu upplýsingar um framkvæmd matsins, þar á meðal dagsetningar og kostnað, eru aðgengilegar á vefsíðu VR. Einnig má finna nánari umfjöllun um verkefnið á undirsíðu deildar leiðsögufólks hjá VR.
Samtök ferðaþjónustunnar hvetja félagsmenn sína til að kynna þetta nýja úrræði fyrir sínu starfsfólki.
