Er ferðaþjónusta aðalorsök verðbólgu?

Af stjórnmálaumræðunni mætti ráða að ferðaþjónusta sé sérstök orsök verðbólgu í hagkerfinu umfram aðra áhrifaþætti. 

Það er hins vegar ekki rétt.

Opinber gögn um verðbólguþróun og grunnstærðir ferðaþjónustu, annars vegar árið 2017 þegar verðbólga var 1,8% og árið 2023 þegar verðbólga var 8,8%, sýna að

• Fjöldi starfandi í ferðaþjónustu var sá sami 2023 og árið 2017.
• Fjöldi ferðamanna var sá sami árið 2023 og 2017
• Það voru færri gistinætur í óskráðri skammtímaleigu og fleiri á hótelum árið 2023 en 2017
• Það voru fleiri herbergi á gististöðum árið 2023 en 2017 og ferðaþjónusta því betur í stakk búin til að taka á móti sama fjölda ferðamanna
• Þjóðhagslíkan með ferðaþjónustugeira sýnir að 5% samdráttur í ferðaþjónustu 2023 hefði nær engin áhrif haft á verðbólgu (-0,04%)

Þrátt fyrir að þessar grunnstærðir í ferðaþjónustu hafi verið svipaðar eða minni var verðbólga mun meiri árið 2023 en árið 2017. Opinber gögn sýna því að vöxtur verðaþjónustu er ekki sérstök orsök verðbólguþrýstings umfram aðra áhrifaþætti. 

Að “koma böndum á” ferðaþjónustu mun því ekki leiða til áhrifamikillar lækkunar verðbólgu. Að halda slíku fram er bæði rangt og óábyrgt. Mun fleiri og flóknari áhrifaþættir liggja til grundvallar úrlausnarefninu.

Hér að neðan eru fimm staðreyndir um ferðaþjónustu og verðbólgu. Hægt er að deila myndinni á samfélagsmiðlum með því að nota rauða “Deila” takkann neðst á myndinni. Einnig má opna hana í vafra hér: https://infogram.com/stadreyndir-um-ferdathjonustu-og-fjolgun-erlends-starfsfolks-1hnq41o38r3wp23?live

Hægt er að nálgast allar myndirnar á facebook síðu SAF