Samtök atvinnulífsins og aðildarsamtök hafa opnað fyrir tilnefningar til Umhverfisverðlauna atvinnulífsins 2025. Hvetja samtökin aðildarfyrirtæki til að senda inn tilnefningar eigi síðar en 20. október 2025.
Verðlaunin verða veitt við hátíðlega athöfn á Umhverfisdegi atvinnulífsins 24. nóvember, sem haldinn verður á Hilton Reykjavík Nordica. Dagurinn er sameiginlegt framtak atvinnulífsins en að honum standa standa Samtök atvinnulífsins, Samtök ferðaþjónustunnar, Samtök iðnaðarins, Samorka, Samtök fyrirtækja í fjármálaþjónustu, Samtök fyrirtækja í sjávarútvegi og Samtök verslunar og þjónustu.
Tveir verðlaunaflokkar
Veitt verða tvenn verðlaun, annars vegar Umhverfisfyrirtæki ársins og hins vegar Framtak ársins.
Tilnefna þarf fyrirtæki sérstaklega undir hvorn flokk en einnig er heimilt að tilnefna sama fyrirtækið í báða flokka.
Dómnefnd velur úr innsendum tilnefningum en til að þær teljist gildar þurfa fyrirtæki að uppfylla sett viðmið og ítarlegur rökstuðningur að fylgja með. Aðeins skráð aðildarfyrirtæki Samtaka atvinnulífsins og aðildarsamtaka þeirra geta hlotið tilnefningu.
Hlekkur: Tilnefna fyrirtæki
Við hvetjum félagsmenn í SAF til að láta sig málið varða og senda inn tilnefningar.
