Verkefnastjórar SAF sóttu norrænan fund hópbifreiðasamtaka (Nordic Bus & Coach) í byrjun september sem fram fór í gamla höfuðstaðnum Kaupmannahöfn. Á fundinum var farið yfir helstu mál er tengjast umferð og rekstri hópbifreiða á Norðurlöndunum, bæði í bókuðum ferðum og almenningssamgöngum. Þar var rætt um breytingar á ýmsum Evrópureglugerðum, eftirfylgni með banni við ólöglegum gestaflutningum og öryggismál ásamt þróun sjálfkeyrandi hópbifreiða í almenningssamgöngum. Þá var einnig farið yfir rekstrarumhverfi hópbifreiða í hverju landi. Þessir fundir eru afar gagnlegir þar sem miðlun upplýsinga á milli landa getur stuðlað að og stutt við jákvæðar breytingar á rekstrarumhverfi fyrirtækjanna.
Þá minna SAF félagsmenn í rekstri hópbifreiða á árlegan notendafund með Samgöngustofu þann 16. september nk. en skráningu á fundinn má finna hér.
