Hvert er framlag ferðaþjónustunnar til samfélagsins?
Skattspor ferðaþjónustunnar fyrir árið 2022 verður kynnt á morgunfundi á Grand hótel fimmtudaginn 7. desember. Fundurinn fer fram í salnum Gullteig og hefst kl. 9.00. Húsið opnar kl. 8.30 með léttum morgunverði. Fundurinn er opinn öllum og ókeypis, en þátttakendur eru beðnir um að skrá sig hér: https://forms.gle/eGD4AGWKz7dsodUX6
Flutt verða ávörp ásamt því að skýrsla sem Reykjavík Economics hefur unnið fyrir SAF verður kynnt. Þá fara fram umræður um skattspor ferðaþjónustunnar og hvert raunverulegt framlag greinarinnar er til samfélagsins.
Fram koma:
• Þórdís Kolbrún Reykfjörð Gylfadóttir, fjármála- og efnahagsráðherra
• Bjarnheiður Hallsdóttir, formaður SAF
• Sigríður Margrét Oddsdóttir, framkvæmdastjóri SA
• Magnús Árni Skúlason, framkvæmdastjóri Reykjavík Economics
• Bogi Nils Bogason, forstjóri Icelandair
• Grímur Sæmundsen, forstjóri Bláa Lónsins
Diljá Matthíasardóttir, hagfræðingur SAF, stýrir fundinum og Jóhannes Þór Skúlason, framkvæmdastjóri SAF leiðir umræður.
Samtök ferðaþjónustunnar og Samtök atvinnulífsins standa að fundinum.
