Aðalfundur Samtaka ferðaþjónustunnar árið 2021 fór fram með rafrænum hætti fimmtudaginn 29. apríl.
Á dagskrá fundarins voru hefðbundin aðalfundarstörf ásamt því að kynntar voru viðamiklar tillögur SAF í viðspyrnu ferðaþjónustunnar til ársins 2025, en hægt að kynna sér tillögurnar nánar hér að neðan.
Bjarnheiður Hallsdóttir, formaður SAF, flutti ávarp ásamt því að ársskýrsla samtakanna fyrir árið 2020 var kynnt. Rétt er að hvetja félagsmenn til að kynna sér ársskýrsluna sem er bæði ítarleg og fróðleg.
Í aðdraganda aðalfundar fór fram rafræn kosning meðal félagsmanna um 3 meðstjórnendur í stjórn SAF til næstu tveggja ára. Jakob Einar Jakobsson, framkvæmdastjóri veitingahússins Jómfrúarinnar, Ásdís Ýr Pétursdóttir, forstöðumaður samskipta og samfélagsábyrgðar Icelandair og Birgir Guðmundsson, hótelstjóri Icelandair Hotel Reykjavík Marina, hlutu kjör í stjórn SAF til næstu tveggja ára.
Á fundinum var samþykkt tillaga stjórnar SAF um að félagsgjald SAF 2021 – 2022 verði reiknað sem 60% af félagsgjaldi ársins 2020.
Þá voru veitt verðlaun fyrir framúrskarandi lokaritgerðir um ferðamál á Íslandi. Var þetta í 16. skipti sem SAF og Rannsóknarmiðstöð ferðamála veita nemendum í grunn- og framhaldsnámi verðlaun fyrir rannsóknir í ferðamálum.
Hér má nálgast allar upplýsingar frá aðalfundi SAF 2021:
- Ávarp formanns SAF
- Ársskýrsla SAF 2020
- Niðurstaða í stjórnarkjöri SAF starfsárin 2021 – 2023
- Fagnefndir SAF starfsárið 2021 – 2022
- Tvær ritgerðir um ferðamál verðlaunaðar
- Vegvísir um viðspyrnu ferðaþjónustu til 2025
Upptaka frá aðalfundi SAF 2021 verður aðgengileg félagsmönnum fljótlega.
Framboð til stjórnar SAF starfsárin 2021 – 2023
Samkvæmt lögum SAF skal stjórn samtakanna skipa kjörnefnd sem hefur það hlutverk að undirbúa og hafa yfirumsjón með stjórnarkjöri á aðalfundi samtakanna. Annað hvert ár skal kjósa formann og þrjá meðstjórnendur en hitt árið eru hinir þrír meðstjórnendurnir í kjöri. Að þessu sinni er því kjörið um þrjú aðalsæti í stjórn SAF til næstu tveggja ára. Kjörnefnd hefur þegar auglýst eftir framboðum til stjórnar SAF fyrir starfsárin 2021 – 2023.
Fimm framboð bárust í stjórn SAF, en þau eru í stafrófsröð:
- Ásdís Ýr Pétursdóttir, forstöðumaður samskipta og samfélagsábyrgðar Icelandair
- Birgir Guðmundsson, hótelstjóri Icelandair Hotel Reykjavík Marina
- Jakob Einar Jakobsson, eigandi og framkvæmdastjóri Jómfrúarinnar
- Unnur Svavarsdóttir, eigandi og framkvæmdastjóri GoNorth
- Vesna Djuric, framkvæmdastjóri Café Roma
Rafræn kosning hefst mánudaginn 26. apríl kl. 9.00 og geta félagsmenn í SAF tekið þátt í henni í gegnum Þínar síður Húss atvinnulífsins (www.atvinnulif.is).
Fagnefndir SAF starfsárið 2021 – 2022
Í aðdraganda aðalfundar Samtaka ferðaþjónustunnar fóru fundir faghópa samtakanna fram með rafrænum hætti dagana 14., 15., 20. og 27. apríl sl.
Á fundunum voru kosnar fagnefndir fyrir starfsárið 2021 – 2022.
Fagfundir í aðdraganda aðalfundar
Í aðdraganda aðalfundar SAF fara fagfundir fram sem hér segir:
- 14. apríl – Afþreyingafyrirtæki / Bílaleigur
- 15. apríl – Ferðaskrifstofur / Flugfélög
- 20. apríl – Hópbifreiðafyrirtæki / Gististaðir
- 27. apríl – Skipaútgerðir / Veitingastaðir
Nánari upplýsingar
Allar nánari upplýsingar um aðalfund og fundi faghópa SAF er hægt að fá hjá Skapta Erni Ólafssyni, upplýsingafulltrúa SAF, í gegnum netfangið skapti@saf.is eða í síma 899-2200.
