Aðalfundur Samtaka ferðaþjónustunnar var haldinn á Reykjavík Hilton Nordica fimmtudaginn 26. mars s.l. Fundurinn var afar fjölsóttur þrátt fyrir óstýrilátt veðurlag, enda ferðaþjónustuaðilar öllu vanir í þeim efnum.
Sú breyting varð á stjórn samtakanna að stjórnarfólki var fjölgað úr sjö í níu, sem gefur færi á að endurspegla betur grósku og fjölbreytni í atvinnugreininni sem og aukið mikilvægi ferðaþjónustu fyrir samfélagið, en greinin hefur stækkað gríðarlega á liðnum árum.
Pétur Óskarsson endurkjörinn formaður
Pétur Óskarsson framkvæmdastjóri Kötlu DMI var endurkjörinn formaður Samtaka ferðaþjónustunnar og auk hans voru fimm nýir stjórnarmenn kjörnir á aðalfundinum. Þau Bergþór Karlsson stjórnarformaður og eigandi hjá Höldi ehf. – Bílaleigu Akureyrar, Gísli S. Brynjólfsson forstöðumaður markaðsmála hjá Icelandair, Helga Árnadóttir framkvæmdastjóri sölu, rekstrar og þjónustu hjá Bláa lóninu og Ragnheiður Hafstað Hauksdóttir framkvæmdastjóri sölu- og markaðsmála hjá Keahótelum vory kjörin til tveggja ára og Ragnhildur Ágústsdóttir, stofnandi og eigandi Lava Show til eins árs.
Niðurstöður í stjórnarkjörinu voru eftirfarandi:
- Helga Árnadóttir, frkvstj. hjá Bláa lóninu hlaut 165.442 atkvæði eða 98,72% greiddra atkvæða (81,55% af heildarfj. atkv.)
- Bergþór Karlsson, stjórnarform./eigandi hjá Höldi ehf. hlaut 133.990 atkvæði eða 79,96% greiddra atkvæða (66,04% af heildarfj. atkv.)
- Gísli S. Brynjólfsson, forstöðumaður hjá Icelandair hlaut 129.078 atkvæði eða 77,03% greiddra atkvæða (63,62% af heildarfj. atkv.)
- Ragnheiður Hafstað Hauksdóttir, frkvstj. hjá Keahótelum hlaut 125.872 atkvæði eða 75,11% greiddra atkvæða (62,04% af heildarfj. atkv.)
- Ragnhildur Ágústsdóttir, stofnandi og eigandi Lava Show hlaut 125.059 atkvæði eða 74,63% greiddra atkvæða (61,64% af heildarfj. atkv.)
Við óskum nýkjörnu stjórnarfólki til hamingju með kjörið, en fyrir í stjórn SAF sitja þau Rannveig Grétarsdóttir eigandi Eldingar, Sævar Guðjónsson eigandi Ferðaþjónustunnar Mjóeyri og Stefán Gunnarsson eigandi GJ Travel.
Gróska í grasrótinni
Auk stjórnarkjörs fóru faghópafundir fram að morgni aðalfundardags eins og hefðbundið er, en á fundunum voru 45 fulltrúar kjörnir í fagnefndir Samtaka ferðaþjónustunnar, en fagnefndirnar gegna mikilvægu hlutverki í starfi samtakanna við umfjöllun um mál sem horfa sérstaklega að einstökum ferðaþjónustugreinum.
Í upphafi aðalfundar ræddi Pétur Óskarsson við þau Bjarna Benediktsson framkvæmdastjóra Samtaka atvinnulífsins, Ernu Björg Sverrisdóttur aðalhagfræðing Arion banka og Rannveigu Grétarsdóttur eiganda Eldingar um stöðu og horfur í ferðaþjónustu í samhengi áskorana í rekstrarumhverfi fyrirtækja innanlands sem og samkeppnishæfni og viðskiptaumhverfi á alþjóðaettvangi.
Samtök ferðaþjónustunnar fagna þrjátíu ára afmæli að tveimur árum liðnum og virkilega ánægjulegt að sjá á aðalfundinum í ár hve sterkur áhugi er á starfi samtakanna meðal félagsfólks og mikil gróska í grasrót þeirra.
—
Ljósmynd: Á myndinni má sjá þau sem hluti kjör í stjórn og fagnefndir SAF á aðalfundi samtakanna 2026.
