Mótvindur – Eru stjórnvöld helsta hindrun ferðaþjónustunnar? Ferðaþjónustudagar 2026

Samtök ferðaþjónustunnar bjóða til fundaraðar um stöðu og framtíð ferðaþjónustunnar um allt land í október og nóvember undir yfirskriftinni Mótvindur – Eru stjórnvöld helsta hindrun ferðaþjónustunnar?

Fundirnir fara fram á mikilvægum tímapunkti en á Alþingi liggja nú fyrir stór mál sem snerta ferðaþjónustuna með beinum hætti og geta haft veruleg áhrif á rekstrarskilyrði greinarinnar og atvinnulíf um allt land. Þar má meðal annars nefna skattahækkanir á baðlón, krónutöluhækkanir á gistináttaskatti og innviðagjaldi ásamt frumvarpi til laga um náttúru- og innviðagjald, svokallaðan náttúrupassa. Þetta eru ekki aðeins málefni ferðaþjónustunnar. Þau snúa að atvinnu, fjárfestingu, samkeppnishæfni og byggðaþróun um land allt.

Fyrri hluti fundanna verður helgaður erindum frá Samtökum ferðaþjónustunnar og markaðsstofum viðkomandi landshluta sem hverfast um ferðaþjónustu í viðkomandi kjördæmi. Þá mun Deloitte kynna niðurstöður á greiningu sem fyrirtækið hefur unnið fyrir SAF um áætlaðar skatta- og gjaldahækkanir á ferðaþjónustu sem liggja fyrir í fjárlagafrumvarpi ríkisstjórnarinnar.

Seinni hluti fundanna verður vettvangur beinna samtala við þingmenn kjördæmanna um þau mál sem nú eru efst á baugi hjá ferðaþjónustunni.

Fundirnir fara fram á eftirfarandi tímum:

15. október – Hótel Selfoss á Selfossi

22. október – Menningarhúsið Hjálmakletti á Borgarnesi

10. nóvember – Hof á Akureyri

18. nóvember – Sjálfstæðissalurinn á Hotel Parliament í Reykjavík (skráning og nánari upplýsingar birtast síðar fyrir þennan fund en við hvetjum fólk til að fylgjast með miðlum SAF)

Þá verða fundirnir einnig í beinni útsendingu.

Nánari upplýsingar um dagskrá og skráningu má finna hér.

Tengdar fréttir

Samtök ferðaþjónustunnar (SAF) skora á ríkisstjórnina að hlusta á raunverulegar áhyggjur fólks sem starfar í ferðaþjónustu um land allt og endurskoða boðaðar …

Mótvindur: eru stjórnvöld helsta hindrun ferðaþjónustunnar? | Skattspor ferðaþjónustunnar árið 2025 kynnt Samtök ferðaþjónustunnar og Samtök atvinnulífsins bjóða leikum og lærðum á …

Íslensk ferðaþjónusta setti svip á World Travel Market (WTM) sem fór fram í ExCeL-sýningarhöllinni í London dagana 3.–5. nóvember. Fulltrúar SAF sóttu …

Umhverfisdagur atvinnulífsins fór fram þann 27. október á Hótel Reykjavík Grand en í ár var sjónum beint að sérstöðu Íslands og mikilvægi …

Samtök ferðaþjónustunnar vekja athygli á neðangreindri lokaráðstefnu Evrópuverkefnis um örvottanir fyrir örnám í tengslum við ferðaþjónustu. Á lokaráðstefnunni, sem fram fer í …

Fyrirhugaðar skatta- og gjaldhækkanir, samkeppnishæfni ferðaþjónustunnar og áhrif á atvinnulíf og byggðir voru í brennidepli á fyrsta fundi fundarraðarinnar Mótvindur – Eru …