Árleg nýársmálstofa Íslenska ferðaklasans, KPMG og Samtaka ferðaþjónustunnar fer fram þriðjudaginn 26. janúar kl. 9.00 þar sem sjónum verður beint að helstu áskorunum og tækifærum sem framundan eru í viðspyrnu ferðaþjónustunnar.
KPMG mun birta niðurstöður úr skoðanakönnun sem send var á fyrirtæki í ferðaþjónustu sem endurspeglar stöðu greinarinnar nú í upphafi árs. Þá mun Ásgeir Jónsson, seðlabankastjóri rýna í stöðu og framtíðarhorfur, mikilvægi ferðaþjónustunnar fyrir efnahag og mögulegar aðgerðir til skemmri og lengri tíma. Birna Ósk Einarsdóttir, framkvæmdastjóri sölu og þjónustusviðs Icelandair Group og Knútur Rafn Ármann, framkvæmdastjóri Friðheima og handhafi hvatningaverðlauna Ábyrgrar ferðaþjónustu 2020 munu fara yfir tækifæri og áskoranir fyrirtækja sinna á í þeirri stöðu sem ferðaþjónustan er í.
Fylgstu með Nýársmálstofunni í beinni útsendingu:
